A+ A A-


Статкевіч рыхтуецца да этапу

Оцените материал
(1 Голосовать)

У панядзелак 4 траўня ў шклоўскай калёніі адбудзецца суд над былым кандыдатам у прэзыдэнты Мікалаем Статкевічам, якога вінавацяць у парушэньні рэжыму адбыцьця пакараньня.

 


Жонка палітвязьня Марына Адамовіч атрымала званок ад Мікалая — як толькі ў калёнію прыйшла вестка пра аварыю, у якую трапіла Марына.

Марына Адамовіч у размове з карэспандэтамі Радыё Свабода сказала, што Мікалай Статкевіч ня мае ілюзій наконт суду, які адбудзецца ў панядзелак: «Ён рыхтуецца да этапу з калёніі ў турму. То бок чакае, што суд зноў пагоршыць яму рэжым адбыцьця пакараньня. Паводле строгага турэмнага рэжыму, які пагражае майму мужу, зьняволены мае права на адно кароткатэрміновае спатканьне раз на год і права на адну бандэроль».

Пачатак суду над Мікалаем Статкевічам заплянаваны на 14:30.

Мікалай Статкевіч — адзіны з шасьці затрыманых 19 сьнежня 2010 году кандыдатаў на прэзыдэнта, каго дагэтуль трымаюць у вязьніцы. Статкевіча асудзілі на 6 гадоў зьняволеньня.

 

 

Апошнія навіны

Архіў навінаў

      

Design © WKN.BY | All rights reserved.