A+ A A-


Чыгір: Прэм’ер павінен не проста займаць пасаду, а нешта змяняць

Оцените материал
(5 голосов)

Былы прэм’ер-міністр Беларусі Міхаіл Чыгір пракаментаваў змены ва ўрадзе і даў парады «калегу» – новаму кіраўніку беларускага ўрада Андрэю Кабякову.


Міхаіл Чыгір лічыць, што ўсё будзе залежыць ад таго, ці стане Кабякоў нешта рабіць, каб змяніць сітуацыю. «Але ў гэтым плане я песіміст», – паведаміў Радыё Рацыя былы прэм’ер.

– Чаму?

Таму што лічу, што Андрэй Кабякоў не гатовы настойваць на радыкальных зменах і дабівацца правядзення іх у жыццё. Не я так лічу, а спецыялісты сцвярджаюць, што ў Беларусі падаткавы прэс мацнейшы ў два разы ў параўнанні з Казахстанам і ў паўтары – чым з Расеяй. Адкуль брацца канкурэнтаздольнасці? Каб гэта прыбраць, трэба скарачаць бюджэтныя выдаткі. Гатовы да гэтага Кабякоў? Хацелася б верыць, але верыцца слаба. Прэм’ер павінен разумець, што неабходна рабіць, хоць рабіць гэта вельмі складана і праблематчына.

– У чым вам бачацца памылкі Мясніковіча?

Паўтаруся, прэм’ер павінен не проста займаць пасаду, а нешта змяняць. Не здольны на гэта чалавек – усё застанецца па-ранейшаму. Будзе расці знешнеэканамічны дысбаланс, затым ізноў – дэвальвацыя, і так – па замкнёным коле… Праграма імпартазамяшчэння была пустой і ні да чаго не прывяла. Ніхто нічога талковага не зрабіў. Паглядзім, на што здольны новы ўрад. Адзінае, што мяне радуе, дык гэта прызначаны кіраўнік Нацбанка Павел Калавур – ён на самай справе дасканала ведае фінансавую справу.

– Якія рысы новага прэм’ера вам імпануюць?

Мяркую, што Андрэй Кабякоў мае большы ўплыў на прэзідэнта, чым Міхаіл Мясніковіч. І, калі будзе ведаць, што трэба рабіць, то яго ініцыятывы хутчэй рэалізуюцца.

– Што б вы яшчэ параілі Кабякову?

Я б вельмі шмат чаго мог яму параіць – цэлую праграму мог бы напісаць. Але лепш пачакаю

 

Апошнія навіны

Архіў навінаў

      

Design © WKN.BY | All rights reserved.